12 كانون الأول 2017

اسمه الثاني من الصوت المنخفض .. ولما يشوف المصاري يركض ركض

  • PDF

 

- اسمه الاول على اسم رسول بشر به النبي النجار ويرمي بالصحن برا الدار وما اله على هذا الكار وطالع ماكل زي المنشار.اسمه الثاني من الصوت المنخفض وبس يشوف المصاري بركض ركض وبصلي السنة وبترك الفرض ومش مخلي بنك الا ماخذ منه قرض . بفكر حاله رسام بوكل وما بنام، ساكت وكثير الكلام وبفكر حاله فارس وهمام والنواب اطلقوا عليه السهام ومقضيها بين بيروت والشام وعلى تصرفاته لا يلام وبعد استقالته لم يكن على ما يرام وكثير الاحلام وبخاف الاقلام ان تفضح ما خفي من المهام وبيته من المرمر والرخام ولا رمح بيده ولا حسام بعيد عن الشمس وبحب العمل بالظلام ونهايته مسك الختام. سليط اللسان وساكن بعمان وطخوا عليه بالبرلمان ، وبغني لفيروز كان الزمان وكان ، وياما حكوا عليه على باب الدكان وقاعد بالدار وما معه فرحان من بعد ما كان فرعون وهامان، ويتعشى بكان يا مكان ويتغنى بأردوغان وعلاقته مربوطة بشومان وبكره حكومة بدران ، والكل منه فزعان وما براعي فقير ولا جوعان وما دفا بردان او تعبان ولا اعترف انه غلطان .

Facebook Twitter MySpace Digg Delicious Stumbleupon Reddit Linked In 

أضف تعليقك